Օծանելիքի կիրառման եղանակներ
Մարդիկ գնահատում են դիմացինին ոչ միայն արտաքին տեսքով, այլև հոտով, ընդ որում շատ դեպքերում երկրորդը ավելի կարևոր դեր է խաղում, քան թե նորաձև հնարամտությունները, որոնց դիմում են հակառակ սեռի ներկայացուցիչները` միմյանց ուշադրությունը գրավելու համար:
էսթե Լաուդերը առաջարկում էր օծանելիքը փչել «օդում» եւ մտնել օծանելիքի ամպերի մեջ։ Սա կիրառելի է հագեցած օծանելիքների համար, իսկ թեթեւ եւ թարմ բույրերը այս եղանակով շատ թույլ կզգացվեն։
Կոկո Շանելն առաջարկում էր օծանելիքը քսել մարմնի այն մասին, որը կցանկանայիք, որ համբուրեին։ ։
Մասնագետների մի մեծ խումբ գտնում է, որ օծանելիքը պետք է քսել ծոծրակին, ձեռքի ափի ստորին հատվածում՝ դաստակի ծալքի մասում, ականջների եւ ուսերի հետնամասում, այս հատվածներում արյունատար անոթները շատ մակերեսային են եւ բույրը «հնչում է ավելի բարձր»։
Ճարպոտ մաշկ ունեցողների վրա բույրը պահպանվում է ավելի երկար, քան չոր մաշկ ունեցող մարդկանց վրա։
Չոր մաշկ ունեցողներին խորհուրդ է տրվում օծանելիք քսելուց առաջ քիչ քանակությամբ յուղոտ քսուք գործածել, որ օծանելիքը երկար բուրի։
Օծանելիքի պահպանման եղանակներ
Որպեսզի օծանելիքը երկար ժամանակ պահպանի իր թարմությունը, խորհուրդ է տրվում այն պահել չոր, զով եւ մութ տեղում։ Արեւի ուղիղ ճառագայթները առաջ են բերում օծանելիքի գոլորշացում եւ որակական հատկանիշների կորուստ։
Ալերգիա
Օծանելիքը նախ պետք է քսել դաստակի ծալքի մոտ։ Եթե 1 ժամվա ընթացքում մաշկի վրա գրգռվածություն եւ կարմրություն չի առաջացել, ապա ալերգիա չունեք։ Եթե ձեր ալերգիան «օդային» է՝ առաջանում է հոտերից, ապա ինքներդ իսկույն կկողմնորոշվեք։ Եթե նոր օծանելիք օգտագործելուց հետո գլխացավ, ծանրության տհաճ զգացողություն, արցունքարտադրություն կամ քոր չի առաջանում, ուրեմն դա ձեր օծանելիքն է։
Օծանելիքը պետք է օգտագործել քիչ քանակությամբ, այնպես, որ զգացվի ափից մինչեւ նախաբազուկն ընկած հեռավորությունից։
Կա մեկ չգրված կանոն, եթե օծանված մարդը չի զգում բույրը, ուրեմն դա իր օծանելիքն է։
No comments:
Post a Comment