Մանկական օծանելիք. անհրաժեշտությո՞ւն, թե՞ նորաձևություն:
Մանկական օծանելիքները բոլորովին էլ նորույթ չեն, սկսել են կիրառվել դեռ
14-րդ դարից: Առաջին մանկական օծանելիքը եղել է «Հունգարիայի թագուհու
բույրը», որի բաղադրության մեջ սպիրտ կար և որով խորհուրդ էր տրվում
մերսել թույլ և հիվանդ երեխաներին. կծու հոտը ոչնչացնում էր մանրէներին և
խթանում ախորժակը:
Նորածնի մարմինը Հին Եգիպտոսում պատում էին բուսական քսուքներով և
ծաղիկների նեկտարներից պատրաստված բալասանով: Դա համարվում էր
բարձրաշխարհիկության և նրբաճաշակության սկզբնաղբյուրը,որով պետք է մեծանար
ապագա ազնվականը:
Վիճելի հարց է, թե արդյոք փոքրիկը պետք է օգտագործի օծանելիք: Ոմանք
կարծում են, որ երեխան ունի իր յուրօրինակ բույրը` «կաթի և մանկության»,
որը պետք չէ աղավաղել օծանելիքներով:
Որոշ ծնողներ համոզված են, որ օծանելիքի անհրաժեշտություն չկա ոչ միայն երեխաների, այլ նաև մեծահասակների մոտ:
Սակայն շատ հոգեբաններ, որոնիցից է նաև Գագիկ Աբրահամյանը, ժխտում են
այս կարծիքը: Ըստ Աբրահամյանի` յուրաքանչյուր երեխայի մոտ պետք է զարգացնել
հոտի գիտակցական ընկալումը. « Ոչ ոք չի զարմանում, որ երեխան երգում,
նկարում, խաղում է և սովորում գրել: Մենք նվիրում ենք նրանց խաղալիքներ,
սովորեցնում լսել որակյալ երաժշտություն, բավականին մեծ հետևողականությամբ
ընտրում հագուստ, բայց ոչ բոլորի մտքով կարող է անցնել, որ հոտի «ճիշտ
ընկալումը» նույնքան կարևոր զգայարան է, որքան տեսողությունը և
լսողությունը: Այդ է պատճաը, որ մանկական օծանելիքները երեխայի ընդհանուր
զարգացման գլխավոր գործոններից մեկն են»:
Մանկական օծանելիքներ կարելի է օգտագործել 2-3 տարեկանում, երբ
փոքրիկի օրգանիզմը գտնվում է կայուն զարգացման փուլում: Երեխայի համար
օծանելիք գնելիս առաջին հերթին պետք է ուշադրություն դարձնել
բաղադրությանը: Մանկական պարֆյումերիան տարբերվում է նրանով, որ այն չի
պարունակում ալկոհոլ և թունավոր ցնդող բաղադրիչներ, որոնք օգտագործվում են
մեծերի օծանելիքների բաղադրության մեջ: Կարևոր է նաև փաստը, որ վերջինս
համապատասխանի անվտանգության պահանջներին:
Ըստ գերմանական «MooM» մանկական ամսագրի հարցումների` գնալով աճում է մայրերի հետաքրքրությունը մանկական օծանելիքների նկատմամբ:
No comments:
Post a Comment